அமெரிக்க வழக்கறிஞர்கள் அமைப்பு வெளியிட்டுள்ள அறிக்கையில், அதானியும் அவரது உறவினர் சாகர் அதானி உட்பட மொத்தம் 8 பேர் சேர்ந்து இந்திய அதிகாரிகள் 265 மில்லியன் டாலர் அளவுக்கு லஞ்சம் கொடுத்து சோலார் மின் திட்டங்களை பெற்றிருப்பது அம்பலமாகியிருக்கிறது. – தலைவர் திரு கு. செல்வப்பெருந்தகை, எம்.எல்.ஏ.

அமெரிக்க வழக்கறிஞர்கள் அமைப்பு வெளியிட்டுள்ள அறிக்கையில், அதானியும் அவரது உறவினர் சாகர் அதானி உட்பட மொத்தம் 8 பேர் சேர்ந்து இந்திய அதிகாரிகள் 265 மில்லியன் டாலர் அளவுக்கு லஞ்சம் கொடுத்து சோலார் மின் திட்டங்களை பெற்றிருப்பது அம்பலமாகியிருக்கிறது. அதாவது, இந்திய மதிப்பு ரூ, 2,029 கோடி அளவுக்கு லஞ்சம் கொடுத்துள்ளனர். அவ்வாறு லஞ்சம் கொடுத்து பெறப்பட்ட சோலார் மின்திட்டங்களின் மூலம் அடுத்த 20 ஆண்டுகளில் 2 பில்லியன் டாலர் அளவுக்கு லாபம் ஈட்டக்கூடிய வாய்ப்பு ஏற்பட்டுள்ளது. அதானியும், க்ரீன் எனர்ஜி அதிகாரி வினீத் ஜெயனும் சேர்ந்து அதிகாரிகளுக்கு லஞ்சம் கொடுத்து சோலார் திட்டங்களை பெற்றதை மறைத்து, முதலீட்டாளர்களிடம் இருந்து கடனாகவும், பத்திரமாகவும் 3 பில்லியன் டாலர் அளவுக்கு வாங்கியுள்ளனர். இதில் அதானியின் உறவினர் சாகர் அதானி தான் லஞ்சம் கொடுக்கப்படுவதை தனது செல்பேசி மூலம் கண்காணித்து வந்துள்ளார் என்று அந்த அறிக்கையில் கூறப்பட்டுள்ளது. இக்குற்றச்சாட்டு குறித்து அதானி நிறுவனம் பிரச்சனையை திசை திரும்புவதற்கான முயற்சியில் ஈடுபட்டிருக்கிற வேளையில், அதானி நிறுவன பங்குகள் 20 சதவீதம் வரை சரிந்துள்ளது. கௌதம் அதானியும், சாகர் அதானியும் அமெரிக்காவில் பங்கு சந்தையில் ஈடுபட்டது உறுதி செய்யப்பட்டுள்ள நிலையில் அவர்களை கைது செய்ய அமெரிக்க நீதிமன்றம் உத்தரவிட்டிருப்பதாக கூறப்படுகிறது.